اكثر شئ ممكن يسبب لك ألم
انك تحب انسان منزوع الضمير
ما تكتشف انه صورة من وهم
الا بعد ما يخدعك و تصبح بجرحه كسير
كم اكرهه كم ابغضه كم اتمنى اعدمه
كل ماذكرت احداث بيننا كانت تصير
حبيته حب ما كان فيه اي منفعه
حب طاهر و خالص من قلبي الاسير
مجرد من المصالح و لا له تبرير
و اللي لقيته انحطاط و مهزله
كل شئ يعطيه له مقابل او ما يصير
يا ما جرحني يا ما تعجل بحكمه و تصرف بدون لا يستنير
من عرفته ماعمره اعتذر رغم انه في حقي مخطي كثير
كنت اتحمل و اسامح و اعذره
و اقول يمكن يرجع يقدر اللي يصير
و اللي اتضح لي اني كنت متأملة من الي قضى عمره بظلام
في نهاري يصبح بصير
مرات يصدمني بإجاباته و مرات تصدمني منه الأسئلة
و على كثر ما كنت ارفض لاغلب المواضيع اثير
كان يستفز بداخلي انثى يعرف انها مغفله
واخذ معاه بالحكي و يتجاوز حدوده
و انا اكرر الي تقوله يا فلان ما يصير
كان يتأخر و انتظر في موعده من اوله
و كل لحظه احتريه و ارتب اللي باقوله ان دخوله سجله
و يمر ليلي و يجر ساعاتي معه
و انا ادعي عسى خير اللي يمنعه
و يتضح انه تناسى او كانو اصحابه معه
يا ما تفاخر باحبابه و كم كان له من معجبه
يا ما جرح حبي بكلام ما ينفعه
كان يستخف بوجودي و غيابي ما يطعنه
و رغم هذا كنت اتجاهل
لاجل يبقى الود الي ازرعه
و لا جنيت الا تجريح الكفوف الي تحاول تسعده
و الله ما انسى ثلاث سنين من عمري معاه مبهذله
اصبر على الزله و اظن فيه امل للتغيير
يا حسافه قصه الحب تنتظر التكمله
و اكتشف متأخره ان البطل الي سرق قلبي يلعب دوره الشرير
انظلم في هالنهاية الحب و باقي كثير بداخلي عجزت اوصله
بس الألم هو الألم
مهما احاول اخدعه
ماقدر امثل اني عديت الي كان
و اقول هي تجربة و الدنيا ذي مسرح كبير
(U)
